--Ads--
Duapulo ket dua ti nakemmeg a naga-ayam iti dado iti Barangay San Pedro, Narvacan, Ilocos Sur.
Iti pannaki-uman ti Bombo Radyo Vigan ken ni Police Major Christopher Ramat, immuna nga adda nakalibas a maysa kadagiti suspek ngem boluntaryo met laeng a simmuko kabayatan ti pannakakemmeg dagiti kaduana.
Dagiti suspek ket naaktuan nga agsusugal iti uneg ti maysa a bodega a naaladan ken adda natayan iti asidegna.
Maibasar iti intel report a naawatda, napigsa ti sugal ti dado iti nasao a lugar uray pay kadagiti naglabas a rabii.
-- ADVERTISEMENT --
Kabayatanna, maysa pay kadagiti suspek ket datin a nakemmeg gapu met laeng iti sugal.
Nakumpiskar dagiti pannakabagi ti linteg kabayatan ti operasyon ti maysa a black improvised marker ken pusta P6,936.
