VIGAN CITY – Namentenar dagiti dua pulo ket lima a barangay ti probinsya ti Drug Cleared Status da kas maibasar ti naaramid a Regional Oversight Committee Barangay Drug Clearing.
Naisayangkat ti panangkita kadagiti barangay no nasustenar da iti kinaawanen ti droga ti lugarda babaen kada DIR III Bryan Babang, Regional Director ti PDEA Region 1, Asst. Regional Director DIR II Valente Carino idiay La Union Police Provincial Office Function Hall, Camp Diego Silang, Carlatan, San Fernando City, La Union.
Kadduan a barangay ket manipod ti Burgos a sangapulo ket tallo a dagitoy ket ti Brgy. Dirdirig, Lesseb, Luna, Macaoayan, Mambug, Manaboc, Nagpanaoan, Patac, Poblacion Norte, Poblacion Sur, Sabangan Pinggan, Subadi Sur ken Talliao.
Simmaruno ti Brgy. Bisangol, Lintic, Lopez, Naguimba ken Pila manipod Banayoyo, uppat barangay manipod Gregorio Del Pila, Brgy. Dapdappig, Matue-Butarag, Poblacion Norte ken Sur.
Dua a barangay ti drug cleared manipod Quirino ti Brgy. Banaoaen ken Cayus ken maysa a barangay manipod Lidlidda a ti Brgy. San Vicente.
