Kinumpirmaran ti Philippine Coast Guard (PCG) ti pannakasarakda ti dua pay a bangkay manipod iti nagbaliktad nga MV Hong Hai 16 kagiddan ti agtultuloy nga underwater search efforts iti kabaybayan ti Rizal idiay Occidental Mindoro.
Segun ti Coast Guard District Southern Tagalog, nasarakan dagiti bangkay iti oras ti alas dos dies iti malem ken alas tres singkwentay sais iti malem idi kalman, April 20, 2025 manipod iti accommodation area iti vessel bayat iti ongoing joint diving operations.
Nagbalin a posible iti panagsapul gapu iti panagtignay ti Special Operations Group-Southern Tagalog ken technical wreck divers manipod Special Operations Force a naideploy manipod Manila tapno mangiyetnag ti search ken rescue mission.
Maipalagip a nagbaliktad ti Hong Hai 16 ita a lawas ket lima a crew members iti inisyal a naipakaammo a mapukpukaw.
