Dead on arrival ti maysa nga agtawen-iti-sangapulo a babai gapu iti pannakalmesna idiay Barangay Tamorong, Sta. Catalina idinto a nakalasat ti maysa nga agtawen-iti-sangapulo a lalaki.
Dagiti ubbing ket agpada a taga-Zone 3, Bantay, Ilocos Sur.
Agayay-ayam dagiti biktima iti seawall idin ta bigla a naigalisda iti kabaybayan.
Dagus a nagpatulong ti inada kadagiti napan iti kabaybayan agingga a dimteng dagiti kameng ti Bureau of Fire Protection, Municipal Disaster Risk Reduction and Management Office, Rural Health Unit, Coast Guard, ken Philippine National Police tapno mangisayangkat iti rescue operations.
Naitaray iti ospital ti lalaki nga ubing ket naispal ti biagna idinto a ti babai ket saan a dagus a nasarakan, ngem idi maipan iti ospital ket saanen a nakalasat.
