VIGAN CITY – Nabigbigen dagiti Overseas Filipino Workers a dinungpar ti kotse idiay Lucky Plaza, Singapore.
Dead on arrival idiay Tan Tock Seng Hospital da Arlyn Nocus ti Caba, La Union kenni Abegail Leste ti Tuguegarao City.
Kabayatanna, kritikal met iti kasasaad da Edna Limbaoan ti Isabela kenni Arcely Nocus a kabsat iti natay a ni Arlyn idinto a maobobserbaran pay laeng iti kasasaad da Demet Limbaoan kenni Laila Laudencia ti San Fernando City, La Union.
Agkakadua dagiti nasao nga OFW idi napasamak iti aksidente ket dua kadakuada iti napakaruwan a poon iti nakatayan da.
Kagiddan iti dayta ket inpasigurado ti Department of Foreign Affairs a tumulong da iti pannakaiyawid iti bangkay dagiti natay nga OFW ken pannakai-ospital dagiti nadundunor gapu iti aksidente.
