VIGAN CITY – Dua a panagarestar ti naisayangkat ti agduma a paset ti probinsya a dagiti suspek ket sumangsango ti kaso.
Immuna a naiwayat ti pannakakemmeg ni Teresita Villa agtawen ti pito pulo ket siam nga agnaed ti Brgy. Guimod Sur, San Juan a sumangsango ti kaso a Falsification of Public Documents a ti warrant of arrest na ket imparruar ni Hon. Judge Jose Feril Jr ti 5th Municipal Circuit Tribal Court Dingras- Marcos, Ilocos Norte a napetsaan idi October 19 ken nairekomendaran ti sangapulo dua a ribo a pisos para iti temporaryo a pannakawayawayana.
Simmaruno a naiwayat ti pannakaarestar ni Arjay Ramos Pipo agtawen ti dua pulo ket tallo agnaed ti Brgy. Cabaroan, Bantay ngem nakemmeg idiay Brgy. 3, Vigan City.
Ti suspek ket sumangsango ti kaso a Rape a nairekomendaran ti dua gasut a ribo a pisos a piyansa para iti temporaryo a pannakawayawayana .
