VIGAN CITY – Ipampanawagan da Vicky Pardo ken ni Lydia Patao Punio nga ina dagiti mapukpukaw nga annakda a da Rosemarie Pardo ken ni Jenny Punio a no adda man simmangsangbayanda ket ipakaammoda kadakuada.
Iti pannaki-uman ti Bombo Radyo Vigan ken ni Pardo, alas dos iti malem a nagpukaw ti anakna a Grade 10 student iti Ilocos Sur National High School ket idi tinawaganda, agriring ti cellphone na ngem idi dumanon ti alas dyes ket saandan a makontak.
Naminsan pay a nasungbatan ti tawag ngem awan ti agun-uni.
Innayonna a sigud met nga agpakpakada ti anakna no adda pap-papananna ngem ita laeng a kastoy ti mapasamak kenkuana.
Kabayatanna, kinuna met ni Punio a naggapuda iti piesta idiay Buquig ket nagpakada ti anakna nga adda la papananna isu a nagtalek met nga amangan ta adda laeng isuna iti aglawlaw.
Idi alas dos pasado a panangtextda kenkuana, cannot be reached ti cellphone nan ket saandan a nakontak.
Pinasingkedan ni Punio a maikadua a gundawaya a saandan a mapaawid ta sinapsapulda manen idi kallabes ta napanda naki-birthday iti Pantay Fatima a kaduana met laeng ni Pardo ngem nasarakanda met laeng.
