VIGAN CITY – Naka-isolate iti ospital dagiti dua nga Australian citizen a naggapu idiay Europe a na-diagnose iti sakit a monkeypox.
Iti pannaki-uman ti Bombo International Correspondent Denmark Suede, simmangpet idiay Melbourne ti maysa a pasyente idinto a ti maysa ket simmangpet met idiay Sydney.
Maawagan a “zoonotic” ti sakit a monkeypox agsipud ta daytoy ket mabalin iti animal-to-human transmission ken human-to-human transmission.
Adda dua a klase daytoy a sakit nga isu ti maa-awagan iti “Congo wenno tay severe a kondisyon ta sangapulo a porsiento a mabalin a matay ti maysa a naakaran idinto a ti West African ket maysa a porsiento a mabalin ti maakaran.
Kabayatanna, ti monkeypox ket saan a kas kadaras a makaakar a kas ti Covid19 ngem tallo agingga innem a porsiento ti fatality rate-na.
Dagiti met pagilasinanna ket gurigor, nakaro a sakit ti ulo, panagmaga ti lymph nodes, back pain muscle ken panagkakapsut para iti umuna a lima nga aldaw idinto a ti umuna a tallo nga aldaw ket ti skin eruption, rashes iti rupa, ima ken saka.
