VIGAN CITY – Naipaagas iti ospital ni Jonathan Gacayan, agtawen iti uppat a pulo ket dua a taga-Tablac, Candon City gapu ti sinagabana nga injury iti aksidente idiay Brgy. Sacuyya Sur, Santa.
Ni Gacayan ket isu ti nagmaneho iti Nissan Urvan ken karaman iti aksidente ni Ricky Pregto, agtawen iti tallopulo ket dua, driver a taga-Bayubay, San Vicente.
Agpada nga agpapa-amianan dagiti dua a lugan idin ta ti sarsarunwenda a trak ket nagpakannigid isu a nagpreno ti Nissan Urban ngem ti sumarsaruno kenkuana nga Isuzu Truck ket saan a nakapreno ket nadungparana ti likudan a paset ti Nissan Urvan.
Kabayatanna, awan ti nadangran iti aksidente a napasamak idiay Brgy. Basug a nakairamanan ti White Taxi Hyundai Reino a minaneho ni Bernard Quitoriano, agtawen iti uppat a pulo ket innem a taga-Brgy. Don Lorenzo Querubin, Caoayan ken ti metallic Toyota Wigo a minaneho ni Teodoro Carandang, agtawen iti innem a pulo ket pito a taga-Las Piñas City.
Agpada nga agpapa-amianan dagiti dua a lugan idin ti ti umun-una a Taxi a minaneho ni Quitoriano ket nagpreno ta pinarana ti pasaherona ngem adda iti likudanna ti Toyota Wigo nga aksidente a nakadungpar iti rear portion iti Taxi.
