VIGAN CITY – Tallo ti nadunor iti aksidente a napasamak iti bypass road iti Brgy Bagani Ubbog, Candon City.
Nabigbig ti nagmaneho iti green Honda Steed a motorsiklo a ni Joselito Bautista, agtawen iti innem a pulo a taga-Medicion 2nd Imus Cavite idinto ti nagmaneho iti nagisit ken nalabaga a Suzuki raider 150 ket ni Reyno Tungbaba, agtawen iti duapulo ket maysa, naasawaan, estudyante ken ti backride-na a ni Jael Tungbaban, agtaewn iti duapulo ket dua, naasawaan, estudyante nga agpada a taga-Brgy San Vicente Galimuyod.
Agpada nga agpapamianan a direksyon ti dua a lugan idin ta ti Suzuki raider nga adda iti innerlane ket simrek iti outerlane iti kalsada a rason iti pannakadungpar kadakuada ti Honda Steed motorcycle nga adda iti likudan.
Agpada a dagiti drayber ken ti rider ket nadundunor ti nadumaduma a paset ti bagida nga insigida a naipan iti St. Martin de Porres Hospital para tipannakatamingda.
Kabayatanna, maysa a lalaki met ti nadangran iti aksidente idiay barangay road ti Brgy Paras.
Nabigbig ti nagmaneho iti tricycle a Honda TMX 150 a ni Juanito Cabarios, agtawen iti limapulo ket walo, tricycle driver a taga-Brgy Paypayad, Candon idinto a ti nagmaneho ti Euro ket ni Randy Advincula, agtawen iti tallopulo ket siam a taga-Brgy Sagat, Sta Cruz.
Agpapalaud a direksyon ti traysikel a minaneho ni Cabarios idinto a ti euro a motorsiklo a naggapo iti bangir a direksyon ket nagovertake a puon iti panagdinnungparda.
Gapu dayta, nadunor ti agong ti drayber ti Euro ngem sigud a naipan iti Candon City Hospital para ti naan-anay a pannakatamingna idinto a saan a naan-ano ti nagmaneho ti traysikel.
