VIGAN CITY – Saan a naan-ano ti nagmaneho iti Yamaha NMAX a motorsiklo ken ti kinalubbonna kalpasan ti pannaka-aksidenteda idiay Upper Zigzag, Malaya, Cervantes.
Nabigbig ti drayber a ni Arvin Lee Roda, agtawen iti sangapulo ket walo a taga-Lapog, Laslasong Sur, Santa, rider iti Grupo Timpuyog participants.
Iti pakauna nga imbestigasyon, sumalsalog ti motorsiklo iti kurbada a paset ti kalsada idin ta saan a nakapreno ken naideretsoda iti derraas nga aguneg iti tallo a kadapan.
Kabayatanna, sakit iti bagbagi ken awan ti dunor a nasagrap ni Jojo Andrei Nerizon Dasargo, agtawen iti duapulo ket maysa, miembro iti Grupo Timpuyog a taga-Barangay Silag, Sta. Maria, rider iti Honda CBR 150 ken participant iti 350 km endurance challenge gapu ti pannaka-aksidentena idiay met laeng Barangay Malaya, iti nasao nga ili.
Agpapadaya a direksyon ti rider idin ta saanna a nakontrol ti manibela ti luganna ken saanna a natantya ti kalsada ket naidungpar iti kalsada.
