VIGAN CITY – Dua nga aksidente iti napasamak idiay ili ti Santa iti agsina a barangay idiay Brgy. Sacuyya Sur ken Brgy. Magsaysay District.
Immuna a napasamak ti aksidente idiay Brgy. Sacuyya no sadino karaman ti maysa a Euro K Blade a motorsiklo a minaneho ni Jodel Adviento agtawen dua pulo ket dua ken ti maysa a Suzuki Gixxer a motorsiklo a minaneho ni Dante Dacquel ken kalubbonna ti asawana a ni Luzviminda Dacquel agpada nga agnaed ti Brgy. 1, Vigan City.
Basar ti PNP agpapaamyanan a direksyon dagiti dua agingga a nagsardeng ti motorsiklo ni Adviento ket nag-signal nga agpalaud a direksyon iso a natukbob ti motorsiklo a minaneho ni Dacquel.
Nagasagaba ti dunor iti nadumaduma a paset ti bagina ni Baldo ken naipan idiay UIlocos Sur District Hospital Narvacan ken kabayatanna ni Luzviminda ket naipan idiay Metro Vigan Cooperative Hospital para iti naananay a pannakatamingna.
Ti agdama ammuen pay laeng ti PNP no mano iti gatad dagiti motorsiklo a nadadael.
Simmaruno a napasamak ti aksidente idiay Brgy. Magsaysay District a nakairamanan ti maysa a Toyota Hi Ace a minaneho ni Jeffrey Quimzon ken ti maysa a Honda Click a motorsiklo a minaneho ni Belly Aguimbag agtawen uppat a pulo ket uppat agnaed ti Brgy. Poblacion Sto. Domingo.
Segun ti Santa PNP, agpada nga agpapaamyanan a direskyon dagiti dua a lugan ket nagsardeng ti Toyota Hi Ace ta adda iti nagballasiw a dingwen iso a natukbob ti motorsiklo ni Aguimbag.
Naipaagas ni Aguimbag idiay Ilocos Sur District Hospital Narvacan para iti pannakataming ti sugatna.
