--Ads--
Dua nga agpapanday-linteg ti nangipila iti ethics complaint kontra ken ni Agri party-list Representative Wilbert Lee gapu kadagiti maipagarup a pangtana bayat ti deliberasionda iti naisingasing a P6.325-trillion budget para iti 2025.
Ti reklamo ket inpila da Barangay Health Workers party-list Representative Nica Co ken Marikina Representative Stella Quimbo.
Segun kenni Quimbo, intudo-tudo isuna ni Lee ken nagpangta nga agaramid iti eksena no saan a mapalubosan nga agsao.
Inyunay-unay pay ni Quimbo nga agpapadada ti sense of duty ngem saan nga excuse kaniana ti kinaranggas ken awan iti naawatda a pammakawan manipud kenni Lee.
-- ADVERTISEMENT --
