VIGAN CITY – Maysa a senior citizen a lalaki ken maysa a babai a negosyante iti agpada a nangkettel iti bukodda a biag iti agsina nga insidente iti ili ti Cervantes.
Iti pannaki-uman ti Bombo Radyo Vigan ken ni PMaj. Christooher Ramat, mapapati a parikot iti pinansyal iti nanggibusan ti biag ni Daniel Valdez Astrero, agtawen iti pitopulo, laborer nga agnaed idiay Barangay San Juan, Cervantes babaen iti panangigalotna iti tengngedna ti arwangan iti sango ti pagtaenganda.
Nupay naipan iti ospital ti biktima ket naideklarar a dead on arrival babaen ti attending physician-na.
Mapapati met nga utang gapu iti online casino iti nanggibusan ti biag ni Janet Palileng Mauro, agtawen iti uppat a pulo ket innem, negosyante nga agnaed idiay Barangay Malaya, Cervantes gapu iti panangpaltogna iti ulona.
Naamoan a sakbay iti insidente ket nakita ti kaanakan ti biktima a nagsurat ti biktima iti yellow pad a papel bayat nga adda iti uneg iti kuartona ngem kellaat a nakanggeg iti putok iti paltog ket idi napanna kinita, nakaiddan ti ikitna nga agsay-sayasay ti dara iti ulona ket kaabayna iti mapapati a naaramat a cal. 45 a paltog.
Nupay naipan iti ospital ket naideklarar met laeng a dead on arrival babaen ti attending physician-na.
AUDIO OF PMAJ. CHRISTOPHER RAMAT
