VIGAN CITY – Dua a nagsusugal ti nakemmeg ken dua iti nakalibas iti naiwayat a anti gambling operation idiay Brgy. Pug-os, Sinait.
Nabigbig dagiti nakemmeg a da Rowel Ramos agtawen tallo pulo ket innem agnaed ti Brgy. Teppeng ken Susan Ipac Imperio agtawen innem a pulo ket dua agnaed ti nasao a barangay iti nasao nga ili.
Basar ti report manipod Sinait Municipal Police Station, nakaawatda iti report manipod ti maysa a concerned citizen nga adda iti agsusugal ti natayan iso nga insigida a nagtignay dagiti kapulisan ket naaktoanda nga agayayam ti Lucky 9 dagiti suspek.
Dua kadakuada ti nakalibas ken narekobre dagiti otoridad ti pito gasut sangapulo ket innem a pisos a pusta, uppat a pulo a piraso ti baraha.
Ti agdama iggemen dagiti otoridad dagiti dua a suspek ket maisagsaganan iti kaso kontra kadakuada.
