VIGAN CITY- Natay iti nagmaneho ti motorsiklo a ni Leslie Dante Bello Jr., agtawen ti sangapulo ket uppat, grade 10 student ken taga Quirino, Santa, kasta payen iti backrider a 
nobya na a ni Rica Margareth Tabangin ,agtawen ti sangapulo ket tallo, grade 9 ken taga-Bulag Centro, Bantay gapu iti pannakadungpar da ti mini dump truck a kukua ti Santa municipal government idiay national highway ti Barangay Rizal, Santa.
Segun ken ni SPO4 Manuel Arreola, deputy chief of police ti Santa municipal police station, idi naglikko ti mini dump truck a minaneho ni Herald De Peralta, agtawen iti uppat a pulo ket maysa ken taga-Barangay Quirino iti nasao nga ili, ta iserrek na kuma ti talyer ket nadungpar na ti motorsiklo a nagluganan dagiti biktima.
Kabayatanna, kuna met ti ama ni Bello a ni Leslie Dante Bello Sr., kasoan da ti driver iti truck a ni De Peralta a ti agdama ket nakaibaluden agsipud ta patien da nga awan iti basol iti potot na.
