VIGAN CITY- Nakabkabil dagiti dua a lallaki idiay Barangay Ayudante, Candon City a naggapu ti maysa nga inuman idiay Barangay Sabuanan, Sta. Lucia.
Segun iti impormasyon, nagiinom idiay Janro Music Bar da Arly Coloma Justo nga agtawen iti dua pulo ket lima, baro ken tubo ti Villaviciosa, Tukib, Abra kenni Bernardo Placido Selbe nga agtawen iti uppat a pulo ket innem, naasawaan ken tubo ti Angbungdulan, Tublay, Benguet ngem agpada nga agnanaed idiay Ayudante, Candon City.
Idi magmagna nga agawid dagiti dua , nakigtot da laengen idi adda ti uppat a lallaki a nangdarup ken nangdanug kadakuada.
Saan a nakalaban dagiti dua ta ad-adu dagiti lallaki a nangdarup kadakuada ken adda pay bato nga imalmalo da kadakuada.
Nairupaan met ni Justo ti maysa kadagiti uppat a suspek ket naibaga na a nakita na daytoy iti uneg ti bar a napanan da.
