Nasulbaren ti Abra Police Provincial Office dagiti dua a kaso ti kinaranggas mainaig iti eleksyon kalpasan a nabigbig ken naipilaan iti kaso dagiti suspek iti agsina a pammaltog iti nasao a probisia.
Immunan a napilaan iti kaso a double murder ken multiple frustrated murder da Jendricks Luna ken dua a ‘John Does’ idi April 7, 2025.
Daytoy ket adda pakainaiganna iti pannakapaltog ti mayoral candidate Artemio Donato idiay Sitio Palicad, Barangay Poblacion, Pilar, Abra idi February 28, 2025.
Nakalasat ni Donato iti pasamak ngem dua kadagiti convoy ti natay ken dua ti nakaro a nadunor.
Kabayatanna, napilaan iti dua a bilang ti murder da Ryan Seares Luna, Raffy Tejero, Kathlia Alcantara, ken tallo a ‘John Does’ idi Abril 29, 2025.
Isuda ti maitudtudo nga adda iti likudan ti pammaltog idiay Barangay Budac, Tayum, Abra idi April 21,2025 a nakatayan ti dua a tao.
