VIGAN CITY – Dua ti nakemmeg a nagsusugal idinto a dua ti naglibas iti naiwayat nga anti-illegal gambling operation idiay Barangay Baybayabas, Santiago, Ilocos Sur.
Dagiti suspek ket da Jerome Polonio Manzano, agtawen iti duapulo ket walo, agnaed iti Barangay Baybayabas, Santiago; Jessy Sagun Pagduan, agtawen iti uppat a pulo ket pito, agnaed iti Barangay Butol, Santigao idinto a manarimaan ti pannakasapul dagiti dua a kakaduada a nakalibas.
Iti pannaki-uman ti Bombo Radyo Vigan ken ni PMaj. Henry Garcia a hepe iti Santiago Municipal Police Station, nakaawatda ti report inaig iti napigsa a panagsusugal iti maysa a natayan iti nasao a lugar isu a nagrespondeda ket iti insayangkatda nga operasyon.
Segun ken ni Garcia, nakadlaw dagiti suspek nga adda ti presensya dagiti polis isu a nagtatarayda a gappuanan ti panaglibas dagiti dua idinto a dua ti nakemmegda.
Ti nasao nga operasyon ket nakaalaan dagiti otoridad iti P8,600 a pusta, baraha, tugaw ken lamisaan.
VIDEO – PMAJ HENRY GARCIA
