VIGAN CITY – Maoperaan ti agina a nairaman iti pannaka-aksidente ti maysa a jeep idiay Barangay Lubing, Burgos tattay bigat kas pinasingkedan ni Dr. Alder Gangani ti Ilocos Sur Provincial Hospital – Gabriela Silang.
Nagsagaba iti open fracture ti ima ken saka ni Junel Disono nga agtawen ti sangapulo ket maysa kenni Melody Disono nga agtawen ti tallo pulo ket pito nga agpada nga agnaed idiay Pilar, Abra gapu iti aksidente.
Dagiti dua iti napakaroan agsipud ta mapapati a nagyan da iti topload ti jeep a nagluganan da a naggapu idiay Pilar ta mapan da kuma makitiyenda idiay Sta. Maria kas maibasar iti inisyal nga imbestigasyon ti Burgos municipal police station.
Nadakamat ni Police Captain Daniel Burgos, hepe ti Burgos municipal police station, a sumalog iti nasao a jeep idi adda ti nagovertake a motorsiklo ket napukaw ti driver iti kontrol iti manibela ti lugan agingga a naidungpar iti poon ti narra nga adda iti igid iti kalsada a nakadunuran dagiti pasahero.
