VIGAN CITY – Kaso a grave threat iti nakakemmegan ni Oscar Tangliben nga agtawen ti lima pulo ket dua, mannalon nga agnaed idiay Barangay Poblacion, Quirino idi alas nuwebe kinse iti agsapa iti kalman, January 16.
Ti pannakakemmeg ti suspek ket babaen iti nagtipon a pwersa ti Quirino Police Station, Ilocos Sur Police Provincial Office, Mangkayan municipal police station ken Police Regional Office – Cordillera.
Ikot dagiti otoridad ti warrant of arrest nga imparuar ni Judge Amparo M. Malinias-Espada iti Municipal Trial Court, Mangkayan, Benguet a napetsaan ti December 16, 2009.
Ti sabali a bangir, idi alas dos y media iti malem idi kalman, January 16, nakemmeg ni Joan Briones nga agtawen ti dua pulo ket pito, naasawaan nga agnaed idiay Barangay Anonang Menor, Caoayan babaen kadagiti kameng ti Caoayan municipal police station.
Ti suspek ket sumangsango iti kaso nga estafa ken ti warrant of arrest na ket inparuwar ni Judge Bonhoefer Bernardez ti Municipal Trial Court in Cities, Vigan City idi December 19, 2019.
