VIGAN CITY – Dua iti nakemmeg gapu iti kasoda nga Estafa iti agsina nga operasyon iti siudad iti Vigan.
Immuna a nakemmeg idiay Brgy. 8, Vigan City ni Regina T. Sibayan, agtawen iti limapulo ket uppat, naasawaan, tubo idiay Camp 7, Baguio City babaen iti warrant of arrest nga inruar iti Presiding Judge, RTC Br 20, Vigan City a napetsaan idi June 28, 2018 a narekomendaran iti pyansana nga aggatad iti P40,000.
Addan iti kustodiya iti Vigan City Police Station ti nakemmeg para iti documentation ken proper disposition para iti pannakai-turn overna iti korte.
Simmaruno a nakemmeg iti checkpoint idiay Brgy. Bulala, Vigan City ni Might Rossni Rafanan, agtawen iti tallopulo ket innem, naasawaan, tricycle driver nga agnaed idiay Brgy. Mindoro, Vigan City.
Ti panagtitinnulong dagiti pannakabagi ti linteg ket nakemmeg ti akusado babaen ti bileg iti warrant of arrest nga inruar iti First Judicial Region, Municipal Trial Court in Cities, Vigan City a napetsaan idi April 19, 2022.
Kabayatanna, ti nasao nga akusado ket nairekomendaran iti pyansa nga aggatad iti siam a ribo a pisos.
