VIGAN CITY – Nakemmeg babaen iti bileg ti warrant of arrest ni Jonatha Baza, alyas “Natan”, agtawen iti tallopulo ket dua, construction worker a taga-Paypayad, Candon City.
Ti suspek ket sumangsango iti kaso a panaglabsing iti Republic Act 9262 wenno ti Violence Against Women and their Children Act a ti warrant of arrest na ket imparuar ni Judge Emmylou Valois Rubang-Mangasar, Candon City a napetsaan iti August 10, 2021.
Tallopulo ket innem a ribo a pisos ti nailatang a pyansa ti suspek para ti pannakawayawayana.
Kabayatanna, idiay met Brgy. Bagani Campo a nakemmeg ni Jomarie Bellosilio, alyas “Jojo”, agtawen iti duapulo ket walo, construction worker a taga-Brgy. Tamurong 1st .
Kaso nga Acts of Lasciviousness ti sangsangwen ti suspek a ti warrant of arrest ti suspek ket imparuar ni Judge Emmyloue Valois Rubang-Mangasar, Judge iti RTC Branch 8-FC, Candon City a napetsaan iti August 10,2021 ken PHP180K ti nailatang a pyansana.
