VIGAN CITY – Nakemmeg babaen iti bileg ti warrant of arrest ti wanted person a ni Joey Talicuad Bernardo, agtawen iti tallopulo ket innem, construction worker a taga-Barangay Dalawa, Alilem.
Sumangsango ni Bernardo iti kaso a panaglabsing iti RA 11313 wenno Gender-based Sexual Harassment ken nairekomendaran iti sangapulo a ribo a pisos a pyansa para ti pannaka-wayawayana.
Nairuar ti warrant of arrest -na babaen iti Presiding Judge, RTC Branch, Tagudin a napetsaan iti October 12, 2022.
Kabayatanna, boluntaryo met a simmuko idiay Barangay Macabiag, Sinait ni Deward Ines, agtawen iti uppat a pulo ket tallo, caretaker a taga-Barangay Ballaigui iti nasao nga ili.
Sumangsango ni Ines iti kaso a Theft ken nairekomendaran iti sangapulo a ribo a pisos a pyansa para ti pannaka-wayawayana.
Ti warrant of arrest-na ket imparuar ti Acting Presiding Judge, MTC, Sinait a napetsaan iti October 7, 2022.
Nupay kasta, addadan iti kustodia dagiti pannakabagi ti linteg para ti pannakaidalanda iti husto a proseso.