VIGAN CITY – Nakemmeg ni Danilo Foronda, agtawen iti uppat a pulo ket pito, mannalon a taga-Barangay Subadi Sur, Burgos babaen ti pannakaiserbi kenkuana ti warrant of arrest.
Ni Foronda ket sumangsango ti kaso a Frustrated Homicide a nairekomendaran iti pitopulo ket dua a ribo a pisos a pyansa para ti temporaryo a pannaka-wayawayana.
Nairuar ti warrant of arrest-na babaen ken ni Presiding Judge, RTC Branch 22, Narvacan a napetsaan iti June 8, 2022.
Iti agdama, nakaibaluden ti subject person iti Ilocos Sur Provincial Jail.
Nakemmeg pay ni Demy Mendoza, agtawen iti limapulo ket maysa a taga-Barangay Sabangan, Santiago.
Sumangsango ni Mendoza iti kaso nga Acts of Lasciviousness a nairekomendaran iti sangapulo ket walo a ribo a pisos para ti temporaryo a pannaka-wayawayana.
Nairuar ti warrant of arrest-na babaen ken ni Presiding Judge ti 6th Municipal Circuit Trial Court, Santiago-San Esteban a napetsaan iti June 6, 2022.
Naipanen ti suspek iti Santiago Police Station para ti pannakaidalanna iti husto a proseso.
