VIGAN CITY – Nakemmeg babaen iti Intel Driven Checkpoint idiay Barangay Dalawa, Alilem ti wanted person a ni Jimmy Valencia, agtawen iti duapulo ket tallo nga agnaed iti nasao a lugar.
Ti suspek ket sumangsango iti kaso nga Acts of Lasciviouness iti RA11313 a ti warrant of arrest-na ket imparuar ni presiding judge ti First Judicial Region, Municipal Circuit Trial Court, Alilem-Sugpon, napetsaan iti April 26.
Idiay met Barangay VIII, Vigan City a nakemmeg ti wanted person a ni Jasmin Balmaceda, agtawen iti uppat a pulo ket dua, secretary iti JSBC ken agnaed iti Barangay Ayusan Norte, Vigan City.
Ti suspek ket sumangsango iti kaso a panaglabsing iti Anti Bouncing Check Law ken nairekomendar ti innem a ribo a pisos a pyansa para ti temporaryo a pannaka-wayawayana.
Nakakustodian ti suspek iti Vigan City Police Station para iti booking ken documentation sakbay ti pannakaiparangna iti korte.
