VIGAN CITY – Dua a wanted person ti nakemmeg babaen ti bileg ti warrant of arrest iti agduma nga ili iti probinsia
Nakemmeg idiay Zone 1 Bantay ni Ramil Azurin, naasawaan, agtawen ti 49 nga agnanaed iti Taleb, Bantay.
Ti warrant of arrestna ket inparuar ti Acting Presiding Judge, ti MTC, First Judicial Region, Bantaya a napetsaan idi April 28 gapu ti kaso na a Reckless Imprudence Resulting in Damage to Property and Multiple Physical Injuries.
Tallopulo a ribo a pisos ti nairekomendar a pyansa para ti temporaryo a pannakawaya-waya na.
Idiay met Barangay Baclig, Cabugao, nakemmeg ni Jayson Rey Arcalas, agtawen iti 40, naasawaan nga agnaed ti nasao a lugar gapu ti panaglabsing na ti Section 5,11 ken 12 ti RA 9165 a ti warrant of arrest na ket inparuar ti Presiding Judge ti Regional Trail court, First Judicial Region, Branch 24, Cabugao a napetsaan idi kalman, April 29.
Dimmalan ti suspek iti medical documentation idiay Sinait District Hospital ket naisubli iti police station para iti disposition ken documentation.
