VIGAN CITY – Nakemmeg ni Glennard Pagtama, agtawen iti duapulo ket uppat, negosyante a taga-San Vicente, Magsingal gapu ti panaglabsingna iti Batas Pambansa 22 wenno ti Bouncing Check Law a ti nailatang a pyansana ket duapulo ket uppat a ribo a pisos.
Ti warrant of arrest-na ket imparuar ni Judge Suzanne Cobarrubias-Nabaza ti Metropolitan Trial Court, Branch 93, Marikina City, Metro Manila a napetsaan iti March 23, 2021.
Ni met Crisanto Quitelen Lanuza, agtawen iti uppat a pulo, construction worker a tubo ti Bimmanga, Tagudin ken dati a taga-Maria Basa, Baguio City ket nakemmeg gapu ti kasona a Rape Through Sexual Assault a ti nailatang a pyansana ket dua gasut a ribo a pisos.
Imparuar ni Presiding Judge Maria Ligaya Itiliong-Rivera ti RTC, First Region, Branch 5, Baguio City ti warrant of arrest-na a napetsaan iti March 30, 2015.
