Dua a wanted person ti nakemmeg babaen iti warrant of arrest kadagiti dua nga ili iti Ilocos Sur.
Idiay Barangay Pacac, Tagudin, nakemmeg ni Sonny Somera Sandoval, agtawen iti uppat a pulo ket walo, utility, agnaed iti nasao a lugar.
Kason ga Attempted Homicide ti sangsangwen ni Sandoval ken adda nailatang a P20,000 a pyansa para iti temporaryo a pannaka-wayawayana.
Ti warrant of arrest-na ket napetsaan iti February 27, 2025, nairuar babaen iti Presiding Judge ti Municipal Trial Court, First Judicial Region, Tagudin-Suyo, Tagudin.
Idiay met Barangay Rizal, Cabugao ket nakemmeg ni Crescencio Tacderan Sabugo, alyas Inocencio Sabugo, agtawen iti innem a pulo, construction worker, taga-Barangay Salapasap, Cabugao.
Malicious mischief iti salinong ti Revised Penal Code Article 327 ti sangsangwen ni Sabugo.
Ti warrant of arrest-na ket napetsaan iti February 3, 2025, nairuar babaen iti Acting Presiding Judge ti MCTC, First Judicial Region, Sinait.
Nakakustodian kadagiti police station dagiti dua nga akusado para iti pannakaidalanda iti husto a proseso.
