VIGAN CITY – Dua a wanted person ti nakemmeg iti dua nga ili iti probinsia.
Immuna a nakemmeg iti checkpoint iti national highway idiay Barangay Bannuar, San Juan ni Samuel Dangcil, agtawen iti uppat a pulo ket maysa, welding shop owner nga agnaed iti isu met laeng a lugar.
Sumangsango ni Dangcil iti kaso a panaglabsing iti Republic Act 9262 a ti warrant of arrest na ket imparuar ni Presiding Judge ti RTC Branch 24, First Judicial Region, Cabugao, napetsaan iti December 1, 2022.
Nailatang iti pitopulo ket dua a ribo a pisos a pyansa para ti temporaryo a pannaka-wayawayana.
Idiay met Barangay Poblacion Norte, Burgos a nakemmeg ni Emy Imbisan, agtawen iti uppat a pulo a taga-Barangay Dirdirig, Burgos ken agdama nga employed iti Camiling, Tarlac.
Ni Imbisan ket sumangsango iti kaso nga estafa in relation to RA 10175 a ti warrant of arrest na ket inruar ti Presiding Judge iti RTC National Capital Judicial Region, Branch 16 Manila, napetsaan iti October 27, 2022.
Nailatang ti dua ribo a pisos a pyansa para ti temporaryo a pannaka-wayawayana.
