VIGAN CITY – Dua iti nakemmeg a wanted person manipod iti siudad iti Vigan ken ili ti Bantay.
Immunan a nakemmeg ni Edwin Ariola, agtawen ti uppat a pulo ket siam, naasawaan, construction worker nga agnaed idiay Brgy. Salindeg, Vigan City gapu iti panaglabsingna iti RA9262 babaen iti bileg iti warrant of arrest nga adda nailatang a pyansana a 36,000 a pisos.
Simmaruno a nakemmeg ni Myrna Gacilan Gaoat, agtawen ti limapulo ket maysa, balasang, housewife, tubo iti Brgy, Dan-ar, Santiago ngem agnanaed iti agdama idiay Brgy. Balaleng, Bantay gapu iti panaglabsingna iti Further Amening Articles 38 & 39 iti Labor Code babaen iti panagaramidna iti illegal a recruitment iti krimen nga Economic Sabotage and Punishable with Life Imprisonment iti Presidential Decree 2018 a dua a bilang ken nailatangan iti pyansana 24,000 a pisos babaen iti bileg iti dua a warranti of arrest a napetsaan idi June 25 nga inruar ni Hon. Cecilia Corazon Sumcad-Dulay-Archog a Presiding Judge iti RTC Branch 21, Vigan City.
Ni Gaoat ket adda ti listaan a Top 1 Most Wanted Person iti Municipal level iti Santiago Municipal Police Station isu a naipanen iti CIDG Office iti Brgy. Bulag, Bantay para iti proper disposition.
