--Ads--
Dua a graduate ti University of Northern Philippines ti nagbalin a topnotcher iti September 2026 Social Workers Licensure Examination.
Dagiti topnotcher ket da Kia Francoise O. Corpuz a Top 6 ken adda rating-na a 92.20%, ken ni Eleiah Danielle M. Tamayo a Top 8 nga adda rating-na a 91.80%.
Umabot iti 94.07% ti passing rate ti UNP para kadagiti first-time takers, idinto a 55.17% met kadagiti retaker ken 86.39% institutional passing rate ti nairekord ti unibersidad.
Nangatngato met ti institutional passing rate ti UNP ngem iti 76.27% national passing rate iti nasao nga exam.
-- ADVERTISEMENT --
Rambakan ita ti unibersidad ti balligi dagiti baro a lisensiado a social worker, nangruna dagiti dua a topnotcher.
