--Ads--
VIGAN CITY – Matamtaming ti ospital dagiti dua a driver ti tricycle a nagsipnapgid idiay Brgy. Quimmarayan, Sto. Domingo.
Nabigbig dagiti driver a da Ricky Tacbas agtawen ti tallo pulo ket lima kenni Darwin Sotelo agtawen ti uppat a pulo nga agpada a nagmaneho ti Honda TMX tricycle.
Basar ti report manipod Sto. Domingo Municipal Police Station, daldalyasaten ti tricycle ni Tacbas ti agpadaya a direksyon ket mapapati nga immagaw ti linya ni Sotelo a manipod ti bangir a linya ti kalsada iso a nagsinnapgidda.
Agpada a nagsagaba ti dunor ti saka dagiti dua a driver a naipan ti agsina nga ospital para iti pannakataming ti sugatda.
-- ADVERTISEMENT --
Saan pay nga ammu ti PNP no mano iti gatad dagiti nadadael a paset ti tricycle.
