Dua ti natay iti madi a paniempo idiay Mindanao.
Segun ken ni Office of the Civil Defense Administrator Usec Ariel Nepomuceno, dagiti natay ket manipud iti Region 9 Zamboanga Peninsula ken Region 10 Northern Mindanao.
Agtultuloy pay a dumaldalan iti beripikasyon dagiti dua a natay.
Nasurok 200,000 a tattao wenno 40,250 a pamilia ti naapektaran iti madi a paniempo idiay Region 9, 10,12 ken Bangsamoro Autonomous Region in Muslim Mindanao.
890 ti temporaryo a kimmamang kadagiti evacuation arreas idinto a dagiti dadduma ket pinilida ti agyan iti pagtaenganda wenno kadagiti kabagyanda.
Adda pay dagiti saan a madalanan a kalsada ken rangtay.
60 a pagtaengan ti nadadael – 39 ti partially damaged ken 21 ti totally damaged.
Agtultuloy met ti pannakaipaay ti relief goods ken hot meals kadagiti naapektaran nga agindeg.
