VIGAN CITY – Aksidente a naidungpar iti railing iti kalsada idiay Barangay Poblacion Sur, Santiago ti nagmaneho ti asul a motoposh a motorsiklo a ni Maxino Orlanda, agtawen ti tallo pulo, naasawaan, contruction worker nga agnaed idiay Barangay Banaoang, Santa idi rabii ti February 29.
Agpapa-amiyanan ni Orlanda idi naidungpar iti railings iti kalsada iti nasao a lugar isu a nadunor ket naipaagas idiay Candon General Hospital, Barangay Tablac, Candon City.
Kabayatanna, nadunor met laeng ni Virgilio Rivera Viluan, agtawen ti uppat a pulo ket maysa nga agnaed idiay Barangay Pug-os, Cabugao a nagmaneho iti motoposh Pinoy 125 tricycle ta napukaw na iti kontrol iti manibela iti minaneho na a tricycle na ket natnag iti manarimaan a masimsimpa a rangtay iti nasao a lugar.
Naipan idiay Suero General Hospital, Cabugao ti biktima para iti pannakatamingna ket naduktalan nga idi napasamak iti aksidente ket naka-inom ti arak ni Viluan.
