VIGAN CITY-Maysa a Cessna Plane iti pilot school a Leading Edge International Aviation Academy Incorporated (LEIAA) iti nagsuwek idiay kabaybayan ti Barangay Canaoay, Siudad ti San Fernando, La Union.
Iti pannakiuman ti Bombo Radyo kenni Coastguard Ensign Ivhanne L. Rillon iti Northwestern Luzon Command,, nagresponde iti kameng-da kakadwa dagiti Coastguard Response Team, Coastguard Medical Team, ken Special Operation Units pakairamanan kadagiti divers.
Iti nagsuwek nga Cessna Plane ket addaan tail number RP C6923, nagluganan ti dua a biktima a nabigbig nga isuda Captain Elsid Tolentino, agtawen ti 41, pilot instructor; ken Rafael Barcibal, agtawen 24, pilot student.
Kinuna ni Rillon nga inasistaran da dagiti biktima a maiturong iti hospital.
Ni Captain Elsid Tolentino ket naiturong sadiay Lorma Medical Center bayat a ti estudyante na a ni Rafael Barcibal ket naiturong ti Ilocos Training Regional and Medical Center ngem dagus met laeng a naiyakar ti pribado a pagagasan.
Segun iti report, minor injuries laeng ti sinagaba dagiti biktima;
Ni Barcibal ket nagsagaba iti abrasions iti nadumaduma a paset ti bagi na bayat a ni Tolentino ket nagsagaba iti forehead laceration.
Kalpasan ti assessment ti rescue team ket dagos da a nangiwayat ti oil spill boom ta kasapulan a maprotektaran iti eroplano para iti naan-anay pay nga imbestigasyon kasta met a maliklikan iti panagwaras ti langis gappuanan ta adda iti asideg nga marine protected area.
Innayon pay ni Rillon a nagasat latta dagiti biktima ta ababa laeng iti tayab ken narabaw ti paset ti kabaybayan a nakapasamakan ti insidente.
