VIGAN CITY – Nakemmeg ni Raymund Adanni Ordinario, agtawen iti tallopulo ket tallo ken ni Hayde Siteng Lopez, agtawen iti tallopulo ket tallo, agpada a taga-Barangay Magsaysay, Tagudin gapu ti panagtakawda idiay Barangay Rizal iti nasao nga ili.
Ti biktima ket nabigbig a ni Febie Babas Lardizabal, agtawen iti limapulo ket siam, Municipal Budget Officer, agnaed iti nasao a barangay.
Nakaawat iti report ti Tagudin Municipal Police Station iti tawag a mangipakpakaammo nga adda ti napasamak a panagtakawan iti nasao a lugar isu a nangiwayatda met nga insigida iti hot pursuit operation a nakatiliwan dagiti suspek a nagikot iti pink a pouch bag a naglaon iti PHP193,500 a tinakawda.
Segun iti biktima, pwinersa ti suspek ti sumrek iti kusinada ket tinakawda ti nasao a banag.
Nupay kasta, maisagsaganan ti kaso a maipila kontra kadagiti nasao a suspek.
