Dua ti nakemmeg iti naiwayat a buy-bust operation iti siudad ti Vigan.
Dagiti suspek ket pakairamanan ti agtawen-iti-duapulo ket dua a tattoo artist, taga-Vigan ken ti maysa nga agtawen iti duapulo ket maysa a taga-Bantay.
Nakumpiskar manipud kadagiti suspek ti 0.7 grams ti mapapati a shabu nga aggatad iti P4,760 a naikabil iti tallo a piraso ti heat-sealed transparent plastic sachet a nagserbi a buy-bust item ken possession.
Malaksid dayta, adda pay 4 grams ti mapapati a marijuana nga aggatad iti P480 a naikabil iti maysa a piraso ti self-sealing transparent plastic a naglaon iti napagango a bulong nga adda fruit tops-na.
Dagiti met non-drug evidence ket pakairamanan ti maysa a P500, mayssa a piraso ti P500 machine copy bill, tallo a small transparent plastic sachet a naglaon iti shabu residue, maysa a napisang a transparent plastic sachet a naglaon iti shabu residue, dua a piraso ti nakupel nga aluminum foil a naglaon iti mapapati a shabu residue, sangapulo ket maysa nga awan kargana a transparent plastic sachet, narolyo nga aluminum foil, dua a glass pipe, rolling paper, pitaka, sling bag, ken cellphone.
