--Ads--
Dua a nadundunor a soldado ti North Korea ti iggem ita ti Ukraine kas balud babaen kadagiti tropa ti Ukraine idiay Kursk Oblast ti Russia.
Segun kenni President Volodymyr Zelensky, dagiti dua a lallaki ket umaw-awatda iti kasapulan a medikal a tulong”ken addada iti kustodia ti Security Service of Ukraine (SBU) idiay Kyiv.
Kinuna ti presidente nga “agyaman” kadagiti Ukrainian paratroopers ken soldado manipud iti Special Operation Forces gapu iti panangkemmegda kadagiti North Koreans. Innayonna a saan a nalaka ti tarabaho dagiti Ukrainian soldiers, ta dagiti Russian ken North Korean soldiers ket patpatayenda dagiti nadundunor a North Korean tapno maikkat ti aniaman nga ebidensia nga adda partisipasion ti North Korea iti gubat kontra Ukraine.
