VIGAN CITY – Balligi ti pannakaipatungpal ti search warrant operation kadagiti dua nga ili iti probinsia.
Panaglabsing iti RA 9165 ti sangsangwen ni Esperdion Talingdan, agtawen iti tallopulo ket walo, taga-Brgy Sta. Lucia, Narvacan.
Inserbi dagiti otoridad ti search warrant nga inruar ti Presiding Judge RTC Branch 72, Narvacan a napetsaan iti February 23 iti pagtaengan ti suspek.
Naala kenkuana ti nadumaduma a drug paraphernalia, tallo a supot ti ice nga aglaon ti nagango a marijuana nga agdagsen ti sangapulo a gramo nga aggatad ti PHP1,200.
Idiay met Brgy Camarao, Narvacan ket nakemeg ni Ernesto Saldua, agtawen iti uppat a pulo ket walo, agnaed ti nasao a lugar babaen ti naiserbi a search warrant gapu ti panaglabsingna iti RA 10591 nga inruar ti Presiding Judge RTC Br 72 Narvacan, napetsaan iti February 23 iti agdama a tawen.
Naala kenkuana ti maysa a unit ti calibre 38 revolver nga addaan ti serial number ken uppat a bala.
