VIGAN CITY – Naiyuswat ti Search warrant operation idiay Brgy Polacion Este, Sta Cruz kontra ken ni Noe Alvis Fuentes, agtawen iti uppat a pulo ket pito nga agnaed iti nasao a lugar.
Ti search warrant na ket inparuar ni Hon. Judge GINA JUAN CHAN ti RTC Br. 71, Candon City a napetsaan idi Pebrero 9.
Naala kenkuana ti maysa a colt caliber 22 magnum revolver, 22 a bala ti Caliber 45 ken 14 a bala ti caliber 40 a naikabil iti gray nga slingbag .
Naimatangan ti kapitan ti brgy ken dadduma pay nga opisyal ti operasyon nga inyuswat dagiti otoridad kasta pay a nairekord babaen ti alternative recording device.
Iti agdama, addan iti kustodiya ti Sta Cruz Police Station ti suspek para iti proper disposiyon na.
Kabayatanna, idiay Brgy VI, Vigan City ket naiwayatan iti search warrant operation ni Ramon Cabotaje, agtawen iti limapulo ket dua, maysa a negosyante nga agindeg ti nasao a lugar babaen ti bileg ti warrant of arrest nga inparuar Acting Presiding Judge Hon. Leah Agripina G. Ramirez – Florendo of RTC Branch. 20, Vigan City, Ilocos Sur a napetsaan idi February 11 gapu ti panaglabsing na ti Presidential Decree 1866.
Malaksid dayta, naala pay kenkuana ti maysa nga Armscor Caliber 45 pistol ken dua a magazine nga addaan ti 20 a bala.
Ti napasamak a search warrant ket naimatangan dagiti Brgy officials, ken representative ti Media ken naipanen iti City Health office para iti medico-legal examination na.
