--Ads--
VIGAN CITY – Dunor ti nadumaduma a paset ti bagi ti sinagrap dagiti dua a rider iti aksidente idiay Laslasong West, Sta. Maria.
Nabigbig dagiti karaman iti aksidente a ni Federico Velasco, agtawen iti pitopulo, negosyante a taga-San Jose, Narvacan, nagmaneho iti Yamaha Mio.
Ti nagmaneho met iti Euro a motorsiklo ket ni Jensen Cabanero, agtawen iti duapulo, tubo ti Brgy. Calaba Bangued, Abra ngem agnaed ita idiay Brgy. Sumagui, Sta. Maria.
Agpada nga agpapa-amianan dagiti dua a motorsiklo idin ta nagpreno ket agsikko koma ti Yamaha Mio ket saan a nadlaw ti sumarsaruno a Euro isu a naidungpar.
-- ADVERTISEMENT --