VIGAN CITY – Dua a pulis ti nadangran iti panagprobokar ti maysa a lalaki idiay Barangay Poblacion Sur, Sta. Maria.
Iti pannaki-uman ti Bombo RAdyo Vigan kenni PCapt. Joel Dasargo ti Sta Maria Polcie Station, Dagiti biktima ket da PSSg Marc Dante Osoteo, agtawen iti tallopulo ket tallo ken ni PSSg Edward Garces, agtawen iti tallopulo ket uppat, residenteda iti Barangay Dunglayan ken Barangay Lingsat.
Ti suspek ket ni Gerald Aniceto, agtawen iti uppat a pulo ket maysa, drayber iti ambulansya a taga-Barangay Baliw Laud iti nasao nga ili.
Nasangpetan dagiti nagresponde a pulis a natalnan ti suspek a nagprobkar ngem bayat iti pannakiuman-uman ti PNP kenkuana ket kellaat a nagprobokas ti suspek ket binagkongna ti akin-kannigid a bakrang ni PSSg Osoteo babaen ti natadem a banag idinto a ni PSSg ket nadunor ti akin-kannawan a kikitna bayat ti pananganawana iti suspek.
Innayonna a saludwanna dagiti biktima ta napannotda paylaeng ti Namarsua ta nakateppelda ken saanda a dinangran ti suspek.
Naipan dagiti biktima iti Ilocos Sur District Hospital-Narvacan para ti pannakatamingda idinto a ti suspek ket iggemen dagiti pannakabagi ti linteg ken kaso a Frustrated Murder, Direct Assault , slight Physical Injury ken Violation of Omnibus election code ti sangwen ni Aniceto.
