Dua a pugon, nauram iti ili ti Sta. Lucia

VIGAN CITY – Dua a pugon a kukua ni Brgy Eddie Habab, agtawen iti limapulo ket dua ti nauram idiay Brgy. Sapang, Sta. Lucia.

Nakaawat ti Sta. Lucia Police Station a maur-uram ti pugon ni Brgy Capt. Habab isu a nagresponde ti Sta. Lucia Police Station kaduada ti Bureau of Fire Protection ken Local Disaster Risk Reduction and Management Council.

Iti pakpakauna nga imbestigasyon, nagaayam ti apo ni kapitan ken dagiti kakaduana iti puspuro agingga a nadanunna ti garami a naaramid iti pugon nga isu ti nagtaudan ti uram.

Dukduktalenen dagiti kameng ti BFP no mano ti gatad iti nadadael a sanikua.