--Ads--
VIGAN CITY – Dua a Pilipino ti nagsagaba iti third-degree burns gapu ta bimtak ti bangkada iti asideg ti Bajo de Masinloc, segun iti Philippine Coast Guard.
Walo a mangngalap ti nakalugan iti nasao a bangka, sangapulo a milya manipud Bajo de Masinloc wenno ti Scarborough Shoal ken Panatag Shoal, idi napasamak iti alas dos iti malem, segun iti PCG Spokesperson Rear Admiral Armand Balilo.
Awan pay laeng ti naipakaammo a rason no apay a bimtak ti nasao a bangka.
Segun ken ni Balilo, linapdan ti Chinese Coast Guard ti Philippine Coast Guard nga agrescue kadagiti mangngalap a Filipino ken nagballaagda a tiliwenda dagiti mangngalap no saanda a makitinnulong.
-- ADVERTISEMENT --
