VIGAN CITY – Panaglabsing iti Article 151 ti Revised Penal Code ken Executive Order 43 ti Ilocos Sur ti sangwen dagiti nakemmeg iti quarantine checkpoint idiay Tagudin.
Nabigbig dagiti suspek a da Nestor Sardedo, agtawen iti limapulo, drayber ti Mitsubishi Canter Aluminum Van Truck a taga-Valenzuela City ken ni Emil Cervera, agtawen iti duapulo ket siam, tireman nga agnaed met laeng iti nasao a lugar.
Alas dose bainte y tres iti aldaw ti February 5 idi simrek dagiti suspek iti Sinait border ket indeklararda ti bagida a passerby isu a nabalakadanda a mapanda nga insigida iti destinasyonda ken masapul a rumuarda iti Tagudin border iti saan a lumabes iti uppat nga oras.
Alas otso kwarenta y singko iti bigat ti February 6 idi napara dagiti suspect iti Tagudin border ket naduktalan iti sticker pass da a naglabes iti orasda a nagtalinaed iti probinsia ta inaminda met laeng a nagpatpatnagda idiay Candon City.
Nupay kasta, naiturn-overen dagiti suspek iti Sinait Police Station para iti proper disposition.
