VIGAN CITY – Saan a mailadawan ni Dra. Joanna Rabang ti nariknana idi naamwanna a maysa isuna kadagiti nakapasa iti Physician Licensure examination a naisayangkat idi September 11, 2021.
Iti pannaki-uman ti Bombo Radyo Vigan ken ni Dra. Rabang a taga-Pangada, Sta. Catalina, saanna a patien idi naipakammo kenkuana a nakapasa ta adda isuna iti maysa a convenience store idi nakablaawan ngem di timmawagen ti pamiliana ket namati isunan.
Segun ken ni Dra. Rabang, adu iti rigat a dimmalananna ta nakaru a puyat, adu a kuarta ti kasapulan ken namin-ano a daras ti pannakapaayna ngem uray ania iti napapasamak ket bimmangon latta para ti arapaapna.
Ita a pandemia ket narigat para kenkuana iti panag-review ta online iti pannakaisayangkatna ta inaminna nga adu iti destruction ket adda ti gundaway nga agawan ti suplay ti kuryente ken maisanud nga schedule.
Imbingayna pay a ti kayatna ket ti panag-cutting isu a posible nga ti OB iti serkenna a propesyon.
Maragsakan met ni Dr. Dexter Saraos nga itan ket natungpalen ti arapaap na nga agbalin nga doktor kalpasan a nakapasa ti eksminasyon iti kinadoktor ta saan a nalaka ti dimmalananda sakbay a nakapasa ti eksaminasyon ta online iti wagas iti panagreviewda ken maipatulod kadakuadan ti materials nga iprint ken aramatenda.
Innayon ti doktor a bassit laeng ti oras a naited kadakuada nga agsagana para ti nasao nga eksminasyon ta manarimaan pay ti intershipna idiay Batac.
Sakbay a rimmuar ti resulta napan nagkararag ni Saraos ken naammuan na laengen a nakapasa bayat iti kaaddana ti maysa a mall idiay Baguio ta adon dagiti mensahe a mangkabkablaaw kenkuana a maysan a doktor.
Kabayatanna, umabot ti 61.90% iti overall performance ti University of Northern Philippines iti resulta iti PLE a ti pimmasa iti umuna a gundaway ket sangapulo ket dua idinto a ti napaay ket lima, ti nag-exam ti maikadua a gundaway ket maysa iti napagasatan a nakapasa idinto a tallo iti saan a nakapasa isu a pakabuklan a sangapulo ket tallo iti nakapasa idinto a walo iti saan.
