--Ads--
VIGAN CITY – Panaglabsing iti Presidential Decree 1602 wenno Anti-Illegal Gambling Act ti sangwen dagiti dua a natiliwan a nagsugal idiay Brgy IV, Vigan City.
Nabigbig dagiti suspek a ni Tomas Galace, agtawen iti innem a pulo ket uppat ken ni Teresita Ayson, agtawen iti tallopulo ket innem nga agpada a residente iti nasao a lugar.
Nangiawayat dagiti pannakabagi ti linteg iti anti-illegal gambling operation ket naaktuan dagiti suspek nga agaayam iti Tong-its ket naala kadakuada ti maysa a set ti baraha, lamisaan, tallo a tugaw ken PHP296 a pusta.
Nakakustodian iti Vigan City Police Station dagiti suspek tapno sangwenda ti kaso a maipila kontra kadakuada.
-- ADVERTISEMENT --
