VIGAN CITY – Agpada a nadundunor iti agduduma a paset ti bagi dagiti dua a driver iti motorsiklo gapu iti panagdinnungparda iti Barangay Road idiay Barangay Poblacion, San Vicente.
Segun ti San Vicente Municipal Police Station ti nagmaneho ti color blue a Euro Keeway 125 ket ni Romel Pagao Tabbuac, agtawen iti duapulo ket tallo, baro nga agnaed idiay Brgy. Lussoc Sto. Domingo idinto a ti nagmaneho ti color gray a Honda ADV ket ni Edwin Singson Llanes, agtawen iti innem a pulo, naasawaan nga agnaed idiay Gomez Street, Vigan City.
Maibasar iti CCTV footage iti nasao a lugar, agpapadaya a direksyon ni Tabbuac idinto nga agpapabagatan ni Llanes idi nadanonda iti nasao a lugar ket agpada a simrek iti intersection nga awan signal dagiti dua a gappuanan ti panagdinnungparda.
Gapu ti dunor a sinagaba dagiti dua a driver iti motorsiklo ket naipanda iti Northside Doctor’s Hospital, Bantay para iti pannakatamingda.
