VIGAN CITY – Maysa iti nadunor ti aksidente a nakairamanan ti dua a motorsiklo iti national highway idiay Barangay Paratong, Sta. Cruz, Ilocos Sur.
Segun ti Sta. Cruz Municipal Police Station, ti nagmaneho ti Honda XRM 125 motorcycle ket ni Joel Alerta Legaspi, agtawen ti duapulo ket tallo, collector, awanan ti driver’s license, nagaramat iti helmet nga agnaed idiay Barangay Poro, San Fernando, La Union idinto a ti nagmaneho ti Click 125 motorcycle ket ni Romulo Celso Tejano, agtawen ti uppat a pulo, naasawan, gas installer, addan ti driver’s license nga agnaed idiay Dardarat, Tagudin.
Agpada nga agpapaamianan a direksyon dagiti dua a motorsiklo idi nadanonda iti nasao a lugar ket bimmuntog ti taray ti XRM ket nagsenyas iti panagturongna iti kannigid a paset ngem kellaat a nagturong iti kannawan a gappuanan ti aksidente.
Gapu dayta ket nagasgasan iti tumeng ti driver ti Honda Click idinto a saan a naan-ano ti driver ti XRM.
